ᐊᕇᕙ

ᑭᑑᕕᑕ:

ᐊᕇᕙ ᓄᓇᕐᔪᐊᕐᒥᑦ ᑲᒻᐸᓂᐅᔪᖅ ᐱᔪᓇᖅᑎᑦᑎᔪᑦ ᐋᖅᑭᒃᓱᐃᔾᔪᑎᓂᒃ ᐊᖏᙱᑦᑐᒥᒃ ᑳᐸᓐᒥᒃ ᐊᑐᖅᖢᑎᒃ ᐃᑯᒻᒪᖅᑯᑎᒥᒃ. ᐊᕇᕙ-ᑯᑦ ᑐᕌᒐᖃᖅᑐᑦ ᐃᑲᔪᐃᓂᕐᒧᒃ ᓄᓇᓕᖕᒥᑦ ᐱᕈᖅᐸᓪᓕᐅᓂᕐᒧᑦ ᑐᓂᓯᓪᓗᑎᒡᓗ ᐅᓗᕆᐊᓇᙱᑦᑐᒥᒃ, ᓴᓗᒪᔪᒥᒃ ᐊᒻᒪᓗ ᐊᑭᑐᖏᑦᑐᒥᒃ ᐆᒻᒪᖅᑯᑎᒥᒃ. ᐅᖃᓕᒫᒃᑲᓐᓂᕈᓐᓇᖅᑐᑎᑦ ᐃᒃᐱᒋᔭᑉᑕ ᒥᒃᓵᓄᑦ ᑕᒡᕙᓂ.

ᐊᕇᕙ-ᑯᑦ ᓄᓇᕗᒻᒥ

ᑭᒡᒐᕕᒃ ᐱᓕᕆᐊᖅ ᐊᕇᕙ-ᑯᑦ ᐸᕐᓇᐅᑎᒋᔭᖓᑦ ᓄᖑᓱᐃᑦᑐᒧᑦ ᐅᔭᕋᒃᑕᕆᐊᓕᕆᓂᕐᒥᒃ ᐊᒻᒪᓗ ᓯᖃᓪᓕᑎᕆᓂᐅᔪᒥᒃ ᐱᓕᕆᐊᖃᕐᓂᕐᒥᒃ ᑭᕙᓪᓕᕐᒥᑦ ᓄᓇᕗᒻᒥᑦ. ᐃᓂᒋᔭᖓ 80 ᑭᓚᒦᑕᐅᔪᖅ ᐅᖓᓯᖕᓂᖓ ᖃᒪᓂᑦᑐᐊᕐᒥᑦ. ᐱᓕᕆᐊᒥᑦ ᐃᓚᐅᔪᑦ ᐅᒃᑯᐃᖓᔪᑦ ᓄᓇᒥᑦ ᓯᑕᒪᐅᑉᓗᑎᒃ, ᐊᑕᐅᓯᖅ ᓄᓇᐅᑉ ᐊᑖᓂᑦ ᐊᒻᒪᓗ ᐊᑕᐅᓯᖅ ᓯᖃᓪᓕᑎᕆᕙᓪᓕᐊᔾᔪᑎ. ᐃᒃᓴᕐᕕᓕᐅᕐᓂᐊᖅᑐᑦ ᖃᒪᓂᑦᑐᐊᑉ ᖃᓂᑕᖓᓂᑦ ᐱᖁᑎᒋᔭᐅᔪᓄᑦ ᐊᑐᕐᓗᓂ.

ᓄᖑᓱᐃᑦᑐᖅ ᐱᓕᕆᐊᒥᑦ ᐊᑐᕐᓂᐊᖅᑐᖅ ᐅᖅᓱᕆᔭᐅᓗᓂ ᐃᑯᒻᒪᖅᑯᑎᖃᕐᕕᒃᓴᒧᑦ ᐃᑲᔪᕐᓗᒋᑦ ᑎᑭᐅᑎᓂᖅ ᓄᓇᕐᔪᐊᑉ ᐆᒻᒪᖅᑯᑎᒥᒃ ᐱᔭᕆᐊᖃᕐᓂᖓ ᑳᐸᓐᒥᒃ ᐊᖏᓗᐊᙱᑦᑐᒥᒃ ᓴᖅᑭᑎᕆᙱᓪᓗᓂ.

ᐊᕇᕙ ᓴᔅᑳᑦᓱᐊᓐᒥᑦ

ᐊᕇᕙ ᐱᕝᕕᐅᔪᓐᓇᖅᑐᑦ ᑲᓇᑕᒥᑦ ᓴᔅᑳᑦᓱᐊᓐᒦᑦᑐᑦ 50 ᐅᑭᐅᓄᖅᑲᔭᖅ. ᑎᑎᕋᕐᕕᓪᓚᕆᖓᑦ ᓴᔅᑳᑦᓱᐊᓐᒦᑦᑐᖅ, ᐊᒻᒪᓗ ᑲᒻᐸᓂ ᐊᖏᔪᒥᒃ ᑐᓂᓯᖃᑦᑕᖅᑐᖅ ᓄᓇᓕᖕᓄᑦ ᐊᒻᒪᓗ ᐅᑭᐅᖅᑕᖅᑐᒥᑦ ᐱᕈᖅᑎᑦᑎᓂᕐᒥᒃ ᓄᖓᓱᐃᑦᑐᒥᒃ ᕿᓂᖃᑦᑕᕐᓂᒃᑯᑦ, ᐅᔭᕋᒃᑕᕆᐊᓕᕆᓂᒃᑯᑦ ᐊᒻᒪᓗ ᓯᖃᓪᓕᑎᕆᓂᒃᑯᑦ.

370 ᐃᓄᐃᑦ ᐱᓕᕆᔨᐅᔪᑦ ᐊᕇᕙ-ᑯᓐᓄᑦ ᓴᔅᑳᑦᓱᐊᓐᒥᑦ, ᐊᒻᒪᓗ ᓇᑉᐸᖏᑦᑕ ᐅᖓᑖᓅᖅᑐᑦ ᑖᑉᑯᓇᓂ ᐃᓄᖕᓂᑦ ᓄᓇᖃᖅᑐᑦ ᐅᑭᐅᖅᑕᖅᑐᒥᑦ ᓄᓇᓕᖕᓂᑦ. 2012-ᒥᑦ, ᐊᕇᕙ-ᑯᑦ ᑐᓂᓯᓚᐅᖅᑐᑦ $2,500 ᐅᖓᑖᓄᑦ ᐊᑐᓂ ᐱᓕᕆᔨᒨᖓᔪᒥᒃ ᓄᓇᓕᖕᒥᑦ ᐱᕈᖅᐸᓪᓕᐊᑎᑦᑎᖏᑦᑐᓄᑦ ᑲᑐᔾᔨᖃᑎᒌᖑᔪᓄᑦ ᐊᒻᒪᓗ ᖁᑦᑎᖕᓂᖅᓴᒧᑦ ᐃᓕᓐᓂᐊᕐᓂᐊᖅᑐᓄᑦ ᓴᔅᑳᑦᓱᐊᓐᒥᑦ. ᑖᒻᓇ ᐊᑕᐅᓯᖅ ᐆᒃᑑᑎᐅᑐᐃᓐᓇᖅᑐᖅ ᖃᓄᖅ ᐊᕇᕙ-ᑯᑦ ᐃᑲᔪᕋᓱᖃᑦᑕᕐᒪᖔᑖ ᐃᓄᖕᓂᒃ ᐊᒻᒪᓗ ᓄᓇᓕᒋᔭᖏᓐᓂᒃ.

ᐊᕇᕙ ᑲᓇᑕᒥᑦ

ᐊᕇᕙ ᑲᓇᑕᒥᑦᑲᓇᑕᒥᑦ ᑐᕌᒐᖃᖅᑐᖅ ᓇᓂᓯᓂᕐᒥᒃ ᐋᓐᓂᖅᑕᐃᓕᒪᓂᕐᒥᒃ, ᐊᑭᑐᓗᐊᙱᑦᑐᓂᒃ ᐆᒻᒪᖅᑯᑎᓄᑦ ᐋᖅᑭᒃᓯᔾᔪᑎᓂᒃ. ᑲᒻᐸᓂ 500-ᓂᒃ ᐱᓕᕆᔨᖃᖅᑐᖅ ᓄᓇᕗᒻᒥᑦ, ᓴᔅᑳᑦᓱᐊᓐᒥᑦ ᐊᒻᒪᓗ ᐋᓐᑎᐅᕆᔪᒥᑦ ᐃᓚᐅᔪᓂᒃ ᕿᓂᖅᓴᐃᓂᕐᒥᒃ, ᐅᔭᕋᒃᑕᕆᐊᓕᕆᓂᕐᒥᒃ ᐊᒻᒪᓗ ᓴᖅᑭᑎᕆᕙᓪᓕᐊᓂᕐᒥᒃ ᓇᓂᓯᓂᕐᒥᒡᓗ ᐋᖅᑭᒃᓯᔾᔪᑎᓂᒃ ᐃᑯᒻᒪᖅᑯᑎᓕᐅᕐᓂᕐᒥᒃ ᐊᖏᓗᐊᙱᑦᑐᒥᒃ ᑳᐸᓐ−ᖃᖅᑐᒥᒃ.

ᐊᕇᕙ ᓄᓇᕐᔪᐊᒥᑦ

ᐊᕇᕙ ᐱᓕᕆᕝᕕᓪᓚᑦᑖᖓ ᐱᐊᕆᔅ, ᕗᕌᓐᔅ-ᒥᐅᔪᖅ, ᐊᒻᒪᓗ 47,000-ᓂᒃ ᐱᓕᕆᔨᖃᖅᖢᓂ ᓄᓇᕐᔪᐊᒥᑦ ᐃᑲᔪᐃᑉᓗᓂ ᐋᓐᓂᖅᑕᐅᓕᒪᓂᕐᒧᑦ ᐱᔭᐅᔪᒃᓴᓂᒃ, ᓴᓗᒪᔪᓂᒃ ᐊᒻᒪᓗ ᐊᑭᑐᓗᐊᙱᑦᑐᒥᒃ ᐆᒻᒪᖅᑯᑎᒥᒃ. ᓯᕗᓪᓕᖅᐸᐅᑎᑕᐅᔪᖅ ᓈᓴᐅᑎᒃᑯᑦ ᓅᒃᓕᐅᒧᑦ ᐃᑯᒻᒪᖅᑯᑎᓕᕆᓂᕐᒧᑦ, ᐊᕇᕙ ᑲᒻᐸᓂᐅᔪᑐᐊᖅ ᓄᓇᕐᔪᐊᕐᒥᑦ ᐱᓕᕆᐊᖃᕐᓂᕐᒧᑦ ᑕᒪᐃᓐᓂᓗᒃᑖᖅ ᓅᒃᓕᐅᒧᑦ ᐅᖅᓱᖃᕐᓂᕐᒧᑦ ᐊᑐᖅᑕᐅᔪᒥᒃ ᐃᓚᐅᑉᓗᓂ ᐅᔭᕋᒃᑕᕆᐊᓕᕆᓂᖅ ᓄᖑᓱᐃᑦᑐᒥᒃ, ᓴᓇᓂᕐᒥᑦ ᐃᓂᒋᔭᐅᔪᒃᓴᓄᑦ ᑕᒪᒃᑯᓄᙵ, ᖃᐅᔨᒋᐊᖅᑕᕐᓂᕐᒥᒃ ᐃᑯᒻᒪᖅᑯᑎᒋᔭᐅᓕᖅᑐᓂᒃ ᐊᒻᒪᓗ ᐅᓗᕆᐊᓇᙱᑦᑐᒃᑯᑦ ᐊᑐᒃᑲᓐᓂᕐᓂᕐᒥᒃ ᐊᑐᐊᓂᒃᓯᒪᔪᒥᒃ ᐅᖅᓱᐊᓗᖕᒥᒃ.

ᐊᕇᕙ ᓇᓂᓯᓇᓱᖅᑲᑦᑕᕐᒥᔪᖅ ᐊᑐᕐᓂᕐᒥᒃ ᐆᒻᒪᖅᑯᑎᒥᒃ ᐱᕝᕕᐅᔪᓐᓇᖅᑐᓂᒃ ᐃᓇᖐᔪᓐᓇᖅᑐᓂᒃ ᐃᖕᒥᖕᓂᒃ. ᐊᕇᕙ-ᑯᓪᓘᓐᓃᑦ ᐊᖏᒡᓕᕙᓪᓕᐊᔭᖓᑦ ᖃᓄᖅᑑᕈᑏᑦ ᐊᑐᖅᖢᓂ ᐊᓄᕆᒥᒃ, ᓯᕿᓂᕐᒥᒃ ᑲᑎᓯᒪᔪᓂᒃ ᐆᒪᔪᕈᓯᓂᒃ ᐊᒻᒪᓗ ᐳᓪᓚᕐᓂ ᐊᕿᓐᓂᖅᐹᖅ ᐃᑯᒻᒪᖅᑯᑎᒥᒃ.