ᐋᓐᓂᐊᖃᖅᑕᐃᓕᒪᓂᖅ ᐊᒻᒪᓗ ᐋᓐᓂᖅᑕᐃᓕᒪᓂᖃᖅᑎᑦᑎᓂᖅ

ᐋᓂᖅᑕᐃᓕᒪᓂᖃᖅᑎᑦᑎᓂᖅ ᓯᕗᓪᓕᖅᐹᖅ

ᖃᐅᔨᓴᐃᓃᑦ ᑕᑯᒃᓴᐅᑎᑦᑎᔪᑦ ᒫᓐᓇᐅᓕᖅᑐᖅ ᓄᖑᓱᐃᑦᑐᒥᒃ ᐅᔭᕋᒃᑕᕆᐊᓕᕆᓂᕐᒥᒃ ᐅᓗᕆᐊᓇᖅᑑᙱᒻᒪᑦ ᐱᓕᕆᔨᐅᔪᓄᑦ ᐊᒻᒪᓗ ᐃᓄᖕᓄᑦ. ᐱᓕᕆᐊᒃᓴᖃᖅᑐᒍᑦ ᐱᕈᖅᑎᑦᑎᓂᕐᒥᒃ ᑭᒡᒐᕕᒃ ᐱᓕᕆᐊᒥᒃ ᐋᓐᓂᐊᓕᕐᓇᖅᑐᖃᙱᒋᐊᕐᓗᒍ ᐱᓕᕆᔨᐅᔪᓄᑦ, ᐅᕝᕙᓘᓐᓃᑦ ᐃᓄᖕᓄᑦ ᖃᓂᑕᖓᓂ ᓄᓇᓕᖕᒥᐅᑕᓄᑦ.

  •  ᐊᓯᖓᑦᑕᐅᖅ ᐊᕇᕙ-ᑯᑦ ᐱᓕᕆᐊᕆᔪᒪᖕᒥᔭᖓᑦ ᐱᓂᕐᓗᐊᕿᓂᖅᑕᖃᙱᑎᓪᓗᒍ ᐱᓕᕆᕖᑦ. ᑕᐃᒪᓐᓇᐃᓐᓂᐊᕐᓗᓂ, ᐊᕇᕙ ᐃᒪᓐᓇᐃᓐᓂᐊᖅᑐᖅ:
  • ᐊᑐᖅᑕᐅᖃᑦᑕᖅᑐᑦ ᐱᑕᖃᓗᒃᑖᕆᐊᕐᓗᒋᑦ ᐋᓂᖅᑕᐃᓕᒪᓂᕐᒧᑦ ᑐᕌᖓᔪᓂᒃ
  • ᐋᖅᑭᒃᓱᐃᓐᓇᐅᔭᖃᑦᑕᕐᓗᒋᑦ ᐱᖁᑎᒋᔭᐅᔪᑦ
  • ᐋᓐᓂᖅᑕᐃᓕᒪᓂᕐᒧᑦ ᐱᓕᕆᕝᕕᖕᒧᑦ ᐸᕐᓇᒍᑎᖃᕐᓗᑎᒃ ᐊᒻᒪᓗ ᐃᓕᓐᓂᐊᖅᑎᓪᓗᒋᑦ ᐱᓕᕆᔩᑦ ᒪᓕᖁᓗᒋᑦ ᑕᒪᒃᑯᓂᖓ
  • ᐸᕐᓇᒡᓗᓂ ᖃᓄᖅ ᐅᐸᓗᖕᓂᕐᒥᒃ ᑐᐊᕕᕐᓇᖅᑐᓄᑦ
  • ᓴᖅᑭᑦᑎᓗᓂ ᐋᓐᓂᐊᕐᕕᖕᒥᑦ

ᐊᕇᕙ-ᑯᑦ ᖁᕕᐊᓱᒃᑐᑦ ᐅᓂᑉᑲᐅᓯᖃᕈᓐᓇᕐᒪᑕ ᐱᓕᕆᐊᖅ ᐱᐊᓂᑦᑎᐊᖅᓯᒪᖕᒪᑕ ᓇᓗᓇᐃᒃᑯᑕᖃᕐᓂᕐᒥᒃ ᑎᑭᐅᑎᓂᕐᒧᑦ ᓄᓇᕐᔪᐊᒥᑦ ᐱᔭᕆᐊᓕᖕᓄᑦ ᐱᓕᕆᑎᑦᑎᓂᕐᒧᑦ ᐋᓐᓂᖅᑕᐃᓕᒪᑎᑦᑎᓂᕐᒧᑦ ᒪᓕᒃᑕᐅᔪᓂᒃ OHSAS 18001. ᐊᕇᕙ-ᑯᑦ ᑐᕌᒐᖃᐃᓐᓇᕐᓂᐊᖅᑐᑦ ᐱᓕᕆᕝᕕᐅᔪᑦ ᐃᓂᖏᓐᓂᒃ ᐊᒻᒪᓗ ᐱᓕᕆᔩᑦ ᑲᒪᒋᑦᑎᐊᕐᓗᒋᑦ ᒥᐊᓂᕆᓗᒋᑦ ᐋᓐᓂᖅᑕᐃᓕᒪᓂᕐᒧᑦ, ᐊᒻᒪᓗ ᖃᐅᔨᒋᐊᖃᑦᑕᕐᓗᒍ ᐊᒃᑐᖅᓯᓂᖅ ᑭᒡᒐᕕᒃ ᐱᓕᕆᐊᒥᑦ ᐃᓂᒋᔭᖓ ᐋᓐᓂᐊᖃᖅᑕᐃᓕᒪᓂᕐᒧᑦ ᓄᓇᖃᖅᑐᓄᑦ ᖃᓂᑦᑐᒥᑦ.