ᐊᕙᑎ

ᑲᒪᒋᔭᖃᑦᑎᐊᕐᓂᖅ ᐊᕙᑎᒥᒃ

 

ᐊᕇᕙ-ᑯᑦ ᐅᒃᐱᕈᓱᒃᑐᑦ ᐃᒃᐱᒍᓱᑦᑎᐊᕐᓂᕐᒥᒃ ᐊᓂᖅᓵᖅᑐᖅᑕᑉᑎᓐᓂᒃ, ᐃᒪᕐᒥᒃ ᐊᒻᒪᓗ ᓄᓇᒥᒃ ᑭᒡᒐᕕᐅᑉ ᐃᓂᒋᔭᖓᓃᑦᑐᒥᒃ. ᑲᒪᒋᔭᖃᑦᑎᐊᕐᓂᖅ ᐊᔾᔨᐅᙱᑦᑎᓪᓗᒍ ᓯᓚᖓ ᑭᒡᒐᕕᐅᑉ ᐃᓂᒋᔭᖓ ᐊᕇᕙ-ᑯᑦ ᐃᓱᒪᒃᓴᖅᓯᐅᕈᑎᒋᑦᑎᐊᖅᓯᒪᔭᖓ ᓇᐅᒃᑰᕐᓂᓗᒃᑖᖓ ᑖᑉᓱᒪ ᐱᓕᕆᐊᑉ.

ᐆᒃᑑᑎᒋᓗᒍ, ᐅᖃᖃᑎᖃᕐᓂᖅ ᓄᓇᓕᖕᒥᑦ ᐃᓐᓇᕆᔭᐅᔪᓂᒃ, ᒪᖃᐃᑦᑎᓂᒃ ᐊᒻᒪᓗ ᑮᔭᖃᑦᑎᐊᖅᑎᓂᒃ ᐃᑲᔪᐃᓂᖃᖅᑐᖅ ᐊᕇᕙ-ᑯᑦ ᑐᑭᓯᐊᓂᕐᒥᒃ ᐱᒻᒪᕆᒋᔭᐅᓂᖏᑦ ᓄᓇᓕᖕᒥᐅᓄᑦ ᑭᕙᓪᓕᕐᒥᑦ ᑐᒃᑐᐃᑦ, ᐊᒻᒪᓗ ᑕᒪᒃᑯᐊ ᓂᕐᔪᑏᑦ, ᐊᒻᒪᓗ ᑎᖕᒥᐊᑦ ᑎᑭᑉᐸᓪᓕᐊᕕᖏᑦ, ᐋᓐᓂᖅᓯᑎᑦᑕᐃᓕᒪᓂᐅᔭᕆᐊᖃᕐᒪᑦ. ᐊᕇᕙ-ᑯᑦ ᑲᔪᓯᓂᐊᖅᑐᑦ ᐱᓕᕆᖃᑎᖃᕐᓂᕐᒥᑦ ᓄᓇᓕᖕᓂᒃ ᑐᒃᑐᓂᒃ ᐱᔾᔪᑎᓕᖕᓂᒃ ᐱᓕᕆᐊᖅ ᐱᕙᓪᓕᐊᑎᓪᓗᒍ.

ᐊᕇᕙ-ᑯᑦ ᑕᐅᑐᖃᑦᑕᕐᒥᔪᑦ ᐊᒃᑐᖅᓯᓂᐅᔪᓂᒃ ᑭᒡᒐᕕᒃ ᐱᓕᕆᐊᒧᑦ ᐅᑯᓄᙵ:

  • ᐊᓂᖅᓵᖅᑐᖅᑕᕗᑦ ᐊᒻᒪᓗ ᐃᒪᐅᑉ ᐱᐅᓂᖓᓐᓂ
  • ᑰᒐᓛᓂᒃ ᑕᓯᓂᒡᓗ
  • ᒪᓂᕋᒥᒃ
  • ᓄᓇᐅᑉ ᐃᓗᐊᓂ ᐊᐅᓱᐃᑦᑐᒥᒃ
  • ᐱᕈᖅᑐᓂᒃ ᓄᓇᒥᑦ
  • ᐃᒪᑦᑎᐊᕙᖕᒥᑦ ᐃᖃᓗᐃᑦ
  • ᐃᒪᕐᒥᐅᑕᓂᒃ ᓂᕐᔪᑎᓂᒃ
  • ᐅᒥᖕᒪᖕᓂᒃ, ᓇᓄᕐᓂᒃ ᐊᒻᒪᓗ ᑎᖕᒥᐊᑦ ᐃᒪᕐᒥᐅᑕᐃᑦ ᐃᓂᒋᔭᖏᓐᓂᒃ

ᐱᐅᙱᑦᑐᓂᒃ ᐊᒃᑐᖅᓯᓂᐅᔪᓂᒃ ᑕᐃᒪᓐᓇᐃᖏᓐᓇᐅᔭᕋᔭᖅᑐᓂᒃ ᐱᓕᕆᐊᒥᒃ ᓇᓂᓯᔪᖃᓚᐅᙱᑦᑐᖅ ᓇᓕᐊᖏᓐᓂᑐᐃᓐᓇᖅ ᐃᓂᒋᔭᐅᔪᓂᑦ ᖁᓛᓂ. ᐱᓕᕆᐊᖅ ᓇᓗᓇᐃᒃᑯᑦᑎᖅᑕᐅᓚᐅᖅᑐᖅ ᑎᑭᐅᑎᓂᕐᒧᑦ ᓇᓂᓗᒃᑖᖅ ᐱᖁᔭᐅᓂᐅᔪᓂᒃ ISO 14001-ᒥᑦ, ᓇᓗᓇᐃᖅᖢᓂ ᐱᐅᑦᑎᐊᖅᑐᒥᒃ ᐊᕙᑎᒧᑦ ᒥᐊᓂᖅᓯᓯᒪᓂᖓᓂᒃ ᑕᐃᒪᙵᑦ ᐱᒋᐊᕐᒪᑦ. ᑐᑭᖃᖅᑐᖅ ᐊᒥᓱᑦ ᐱᓕᕆᐊᓂᑦ ᐃᑲᔫᑏᑦ ᑕᑯᔭᐅᔪᓐᓇᖅᑐᑦ ᖃᐅᔨᑎᑦᑎᓇᓱᙱᓪᓗᓂ ᐃᓄᖕᓄᑦ ᓄᓇᖃᖅᑐᓄᑦ ᐊᕙᑎᒧᓪᓘᓐᓃᑦ.

ᐊᕇᕙ-ᑯᑦ ᖃᐅᔨᒋᐊᕐᓂᐊᖅᑐᑦ ᐊᒃᑐᖅᓯᓂᐅᔪᓂᒃ ᑭᒡᒐᕕᒃ ᐱᓕᕆᐊᒥᑦ ᖃᓂᑕᖓᓂᑦ ᓄᓇᐅᔪᒥᑦ ᓴᓇᔭᐅᕙᓪᓕᐊᑎᓪᓗᒍ, ᐊᐅᓚᑎᓪᓗᒍ ᐊᒻᒪᓗ ᐅᔭᕋᒃᑕᕆᐊᓕᕆᓂᖅ ᓄᖅᑲᖅᑎᓪᓗᒍ. ᑲᑎᒪᖃᑎᖃᖃᑦᑕᕐᓂᕐᒥᒃ ᐱᑕᖃᖃᑦᑕᕐᓂᐊᖅᑐᖅ ᐃᓐᓇᕆᔭᐅᔪᓂᒃ ᐊᓯᖏᓐᓂᒡᓗ ᓄᓇᓕᖕᒥᐅᓂᑦ ᐊᒻᒪᓗ ᐃᓚᐅᔪᒪᔪᓄᑦ ᑲᑐᔾᔨᖃᑎᒌᓄᑦ ᐱᓕᕆᖃᑎᒌᑦᑎᐊᕐᓂᕐᒧᑦ ᐃᖏᕐᕋᑦᑎᐊᖅᑐᒥᒃ ᐱᓕᕆᐊᒥᒃ ᐊᒻᒪᓗ ᐃᓚᐅᖃᑕᐅᓂᖏᓐᓄᑦ ᐃᑲᔪᖅᑕᐅᕚᓪᓕᕐᓂᖏᓐᓄᓪᓗ ᓄᓇᓖᑦ.