ᐊᐱᖅᑯᑕᐅᒐᔪᓗᐊᖅᑐᑦ

ᐃᖏᕐᕋᔪᓕᕆᓂᖅ

 

ᐊ     ᐱᖅᑯᑎ; ᑭᒡᒐᕕᒃᑯᑦ ᐃᓚᐅᑎᑦᑎᓂᐊᖅᐸ ᐊᑉᖁᑎᒥᒃ ᐅᔭᕋᒃᑕᕆᐊᑉ ᐃᓂᖓᓄᑦ? ᐊᑉᖁᑎ ᐅᑭᐅᑉ ᐃᓚᐃᓐᓇᖓᒍᑦ ᐊᑐᖅᑕᐅᔪᓐᓇᖃᑦᑕᕐᓂᐊᖅᐸ ᐅᕝᕙᓘᕝᕙ ᐅᒃᑯᐃᖓᓂᐊᖅᐸ ᐅᑭᐅᓗᒃᑖᖅ?

ᑭ     ᐅᔾᔪᑎ; ᑭᒡᒐᕕᒃ ᐅᔭᕋᒃᑕᕆᐊᖅ ᐊᑉᖁᑎᖃᕆᐊᖃᕐᓂᐊᖅᑐᖅ ᑭᒡᒐᕕᐅᑉ ᐃᓂᒋᔭᖓᓂᑦ ᖃᒪᓂᑦᑐᐊᕐᒧᑦ ᐊᒡᔭᖅᑐᐃᖃᑦᑕᕐᓂᕐᒧᑦ ᐊᑐᖅᑕᐅᔭᕆᐊᓕᖕᓂᒃ ᐅᔭᕋᒃᑕᕆᐊᒥᑦ. ᐅᔭᕋᒃᑕᕆᐊᑉ ᐃᓂᖓ ᐊᐅᓚᖃᑦᑕᕋᔭᖅᑐᖅ ᐅᑭᐅᓗᒃᑖᖅ, ᑭᓯᐊᓂ ᐊᑉᖁᑎ ᐅᑭᐅᑉ ᐃᓚᐃᓐᓇᖓᒎᑐᐃᓐᓇᕆᐊᖃᖅᖢᓂ. ᒫᓐᓇᐅᔪᖅ ᐸᕐᓇᐅᑎ ᓴᓇᕙᓪᓕᐊᒋᐊᕐᓂᕐᒥᒃ ᐅᑭᐅᒃᑯᑦ ᐊᑉᖁᑕᐅᓂᐊᖅᑐᒥᒃ ᐊᒻᒪᓗ ᐊᑐᖃᑦᑕᐃᓐᓇᕐᓗᒍ ᐊᐅᓚᑎᓪᓗᒍ. ᐊᕇᕙ-ᑯᑦ ᖃᐅᔨᓴᐃᔪᑦ ᐊᒃᑐᖅᓯᓂᐅᑐᐃᓐᓇᕆᐊᓕᖕᓂᒃ ᐅᑭᐅᓗᒃᑖᖅ ᐊᑉᖁᑕᐅᓇᔭᖅᑐᒥᒃ ᐅᑭᐅᒃᑯᑦ ᐊᑉᖁᑎ ᐊᑐᕆᐊᖃᖅᑕᖓᑦ ᐊᑐᕆᐊᖃᕈᓐᓃᕋᔭᖅᐸᑦ ᐊᒻᒪᓗ/ᐅᕝᕙᓘᓐᓃᑦ ᐅᑭᐅᓗᒃᑖᖅ ᐊᑉᖁᑎᒥᒃ ᐱᑕᖃᕆᐊᖃᓕᕋᔭᖅᐸᑦ ᐅᔭᕋᒃᑕᕆᐊᑉ ᐱᔪᒪᔭᖏᓐᓄᑦ ᐊᑐᕐᓂᐊᕐᓗᓂ ᐊᐅᓚᓂᖃᖅᑎᓪᓗᒋᐅᒃᐸᑦ ᓱᓕ. ᐊᑉᖁᑎ ᐃᓄᖕᓄᑦ ᐊᑐᕈᓐᓇᖅᑎᓐᓂᐊᕐᓗᒍ ᐃᓱᒪᔪᒍᑦ ᐊᐅᓚᓪᓗᒍ ᒥᐊᓂᕆᔪᒪᑉᓗᒋᑦ ᐃᓄᐃᑦ ᐊᒻᒪᓗ ᓂᕐᔪᑏᑦ.

ᑐᑭᓯᐅᒪᔾᔪᑎᓂᒃ ᐱᒃᑲᓐᓂᕈᒪᒍᕕᑦ ᐊᑉᖁᑎᐅᑉ ᒥᒃᓵᓄᑦ ᑕᑯᓗᒍ ᐋᖅᑭᒃᓱᒐᒃᓴᐅᓇᔭᖅᑐᒥᒃ ᐊᕙᑎᒥᒃ ᐊᒃᑐᐃᓂᖃᖅᐸᓪᓕᐊᔪᒥᒃ (DEIS) ᑕᐃᒎᓯᖓᑕ 2 ᐃᓚᒋᔭᐅᔪᖅ 10.4.

 

ᓴᓇᕙᓪᓕᐊᓂᖅ

 

ᐊ     ᐱᖅᑯᑎ;    ᖃᑯᒍ ᑭᒡᒐᕕᒃ ᐱᓕᕆᐊᖅ ᓴᓇᔭᐅᓂᐊᕐᒪᑦ?

ᑭ     ᐅᔾᔪᑎ;    ᑭᒡᒐᕕᒃ ᐱᓕᕆᐊᖅ ᓱᓕ ᕿᒥᕐᕈᓂᕐᒥᐅᖓᔪᒨᖓᖕᒪᑦ ᐊᕙᑎᒧᑦ ᖃᐅᔨᓴᐃᓂᖅᑕᖃᕐᓂᐊᕐᒪᑦ ᓱᓕ. ᐱᐊᓂᑦᑎᐊᖅᓯᒪᑎᓪᓗᒍ ᐊᕙᑎᒧᑦ ᖃᐅᔨᓴᐃᓂᖅ ᐊᒻᒪᓗ ᒪᓕᒃᑐᑦ ᐱᓕᕆᒋᐊᕈᓐᓇᐅᑎᑦ ᓚᐃᓴᓐᓰᓪᓗ ᐃᓄᐃᑦ ᐊᒻᒪᓗ ᓄᓇᑖᕐᓂᕐᒧᑦ ᑲᑐᔾᔨᖃᑎᒌᓂᑦ ᐊᒻᒪᓗ ᑲᓇᑕᒥᑦ ᓄᓇᕗᒻᒥᓗ ᒪᓕᒃᑕᐅᔭᕆᐊᓕᕆᔨᓂᑦ, ᓴᓇᕙᓪᓕᐊᓂᕐᒧᑦ ᐃᓱᒪᓕᐅᕈᑕᐅᓂᐊᖅᑐᖅ ᑭᒡᒐᕕᒃ ᐱᓕᕆᐊᒃᑯᓐᓂᑦ ᐃᓚᒋᔭᐅᖃᑕᐅᔪᓄᑦ ᐃᓱᒪᒋᔭᐅᖃᑕᐅᑎᓪᓗᒍ ᓄᖑᓱᐃᑦᑐᒥ ᐱᔭᐅᔪᓐᓇᖅᑎᓪᓗᒍ ᖃᓄᐃᓕᐅᕆᐊᖃᕐᓂᐅᔪᓂᒃ. ᐃᓱᒪᓕᐅᕈᑕᐅᔪᓐᓇᕋᔭᖅᑐᖅ ᕿᓚᒥᐅᓛᖅ 2015-ᖑᓕᖅᐸᑦ, ᓴᓇᕙᓪᓕᐊᒋᐊᕈᓐᓇᖅᓯᓗᑎᒃ 2017-ᒥᑦ.

 

ᐱᓕᕆᐊᑦ ᐊᒻᒪᓗ ᐱᖃᖃᑕᐅᓂᕐᒧᑦ

 

ᐊ     ᐱᖅᑯᑎ;    ᖃᑯᒍ ᐊᕇᕙ ᐱᓕᕆᓂᐊᖅᑐᓂᒃ ᐱᓕᕆᐊᒥᑦ ᐱᕙᓪᓕᐊᓂᐊᖅᐸᑦ?

ᑭ     ᐅᔾᔪᑎ;    ᒫᓐᓇᐅᔪᖅ, 20-ᓂᒃ 35-ᓄᑦ ᖃᒪᓂᑦᑐᐊᕐᒥᐅᑕᐃᑦ ᐱᓕᕆᖃᑦᑕᖅᑐᑦ ᑭᒡᒐᕕᐅᑉ ᐃᓂᒋᔭᖓᓂᑦ ᐅᕝᕙᓘᓐᓃᑦ ᖃᒪᓂᑦᑐᐊᕐᒥᑦ ᐊᐅᔭᒃᑯᑦ ᕿᓂᕐᓂᕐᒧᑦ ᐊᒻᒪᓗ ᓄᓇᓕᖕᒥᑦ ᐱᓕᕆᖃᑎᒌᖕᓂᕐᒧᑦ ᖃᓄᐃᓕᐅᕐᓂᐅᔪᓄᑦ. ᐱᓕᕆᔨᐅᖏᓐᓇᕐᓂᐊᖅᑐᑦ ᐱᑕᖃᓗᐊᔾᔮᙱᑦᑐᖅ ᑭᓯᐊᓂ ᐃᓱᒪᓕᐅᕌᓂᒃᐸᑕ ᐱᓕᕆᐊᖅ ᓴᓇᔭᐅᓂᐊᕐᓂᖓᓄᑦ, ᓴᓇᔭᐅᓯᒪᓕᖅᐸᓪᓕ ᐱᓕᕆᔨᒃᓴᓂᒃ ᐱᕙᓪᓕᐊᓕᕐᓗᓂ

ᐱᓕᕆᐊᖅ ᓂᕆᐅᒋᔭᐅᔪᖅ ᐱᓕᕆᔨᖃᕐᓂᐊᕐᓂᖓᓄᑦ 750-ᓂᒃ ᑎᑭᓪᓗᒍ ᓴᓇᔭᐅᕙᓪᓕᐊᑎᓪᓗᒍ ᐊᒻᒪᓗ 400-ᒥᑦ 600-ᓄᑦ ᐊᐅᓚᓕᖅᑎᓪᓗᒍ. ᐊᕇᕙ-ᑯᑦ ᐃᓄᖕᓂᒃ ᐱᓕᕆᔨᑖᖅᑐᕐᓂᐊᖅᑐᖅ ᑭᒡᒐᕕᒃ ᐅᔭᕋᒃᑕᕆᐊᒧᑦ. ᑖᑉᑯᐊ ᐱᓕᕆᔩᑦ ᑭᕙᓪᓕᕐᒥᙶᖅᑑᖁᔭᖓᑦ. ᑐᑭᓯᐅᒪᔾᔪᑎᒃᑲᓐᓃᑦ ᓇᓂᔭᐅᔪᓐᓇᖅᑐᑦ ᐋᖅᑭᒃᓱᒐᒃᓴᐅᓇᔭᖅᑐᒥᒃ ᐊᕙᑎᒥᒃ ᐊᒃᑐᐃᓂᖃᖅᐸᓪᓕᐊᔪᒥᒃ (DEIS) ᑕᐃᒎᓯᖓᑕ 2 ᐃᓚᒋᔭᐅᔪᖅ 18 – ᐃᓄᐃᓪᓗ ᐱᕙᓪᓕᐊᔪᓪᓗ ᐱᓕᕆᖃᑎᒌᖕᓂᖏᓐᓄᑦ ᐊᒻᒪᓗ ᓄᓇᓕᖕᒥᑦ.

 

ᐊ     ᐱᖁᑎᑦ;    ᖃᓄᐃᑦᑐᓂᒃ ᐃᓕᓐᓂᐊᖅᑎᑦᑎᓂᖅᑕᖃᕐᓂᐊᖅᐸ ᐊᒻᒪᓗ ᖃᑯᒍ?

ᑭ     ᐅᔾᔪᑎ;    ᐱᐊᓂᑦᑎᐊᖅᐸᑦ ᐊᒻᒪᓗ ᒪᓕᒃᑕᐅᔭᕆᐊᖃᖅᑐᓕᕆᓂᕐᒧᑦ ᓈᒻᒪᒋᔭᐅᒃᐸᑦ ᐃᓱᒪᓕᐅᕌᓂᒃᐸᑕᓗ ᐱᐅᔪᒥᒃ ᐱᕙᓪᓕᐊᓂᕐᒧᑦ, ᐊᕇᕙ-ᑯᑦ ᐃᓕᓐᓂᐊᖅᑎᑦᑎᔪᒪᔪᑦ ᓄᓇᓕᖕᒥᐅᓂᒃ ᐱᓕᕆᓂᖅ ᐊᔪᙱᑦᑐᓂᒃ ᐱᑕᖃᕐᓂᐊᕐᒪᑦ ᐅᔭᕋᒃᑕᕆᐊᖅ ᐅᒃᑯᐃᖅᐸᑦ. ᐊᕇᕙ-ᑯᑦ ᐃᓕᓐᓂᐊᖅᑎᑦᑎᔪᒪᔪᑦ 100-ᓂᒃ ᐱᓕᕆᓂᐊᖅᑐᓂᒃ ᐅᔭᕋᒃᑕᕆᐊᒥᑦ, ᓯᖃᓪᓕᖅᑎᕆᕝᕕᖕᒥᑦ ᐊᒻᒪᓗ ᐊᓯᖏᓐᓂᒃ ᐱᓕᕆᐊᓄᑦ. ᑐᑭᓯᐅᒪᔾᔪᑎᒃᑲᓐᓃᑦ ᖃᓄᐃᑦᑐᑦ ᐱᓕᕆᐊᒃᓴᐅᓂᐊᖅᑐᓄᑦ ᒪᓂᒪᓂᐊᖅᑐᑦ ᑕᑯᒋᐊᕐᓗᒍ ᐋᖅᑭᒃᓱᒐᒃᓴᐅᓇᔭᖅᑐᒥᒃ ᐊᕙᑎᒥᒃ ᐊᒃᑐᐃᓂᖃᖅᐸᓪᓕᐊᔪᒥᒃ (DEIS) ᑕᐃᒎᓯᖓᑕ 2 ᐃᓚᒋᔭᐅᔪᖅ 18.2.3.

 

ᓄᓇᓕᖕᒥᑦ ᑲᑎᖃᑎᖃᖃᑦᑕᕐᓂᖅ

 

ᐊ     ᐱᖅᑯᑎ;    ᖃᓄᖅ ᐃᓚᐅᑲᓐᓂᕈᓐᓇᖅᐳᖓ ᑭᒡᒐᕕᒃ ᐱᓕᕆᐊᒧᑦ?

ᑭ     ᐅᔾᔪᑎ;    ᑭᒡᒐᕕᖕᒧᑦ ᓄᓇᓕᖕᒥ ᐅᖃᖃᑎᒌᖕᓂᕐᒧᑦ ᑲᑎᒪᔨᕋᓛᕆᔭᐅᔪᖅ (CLC) ᓴᖅᑭᑕᐅᓚᐅᖅᑐᖅ 2006-ᒥᑦ ᐊᔾᔨᒌᙱᑦᑐᓂᒃ ᑲᑐᔾᔨᖃᑎᒌᓂᒃ ᖃᐅᔨᒋᐊᖅᑕᕐᕕᖃᕈᒪᔪᑦ ᖃᒪᓂᑦᑐᐊᕐᒥᑦ ᐱᓕᕆᐊᖅ ᐱᕙᓪᓕᐊᑎᓪᓗᒍ. ᓄᓇᓕᖕᒥ ᐅᖃᖃᑎᒌᖕᓂᕐᒧᑦ ᑲᑎᒪᔨᕋᓛᕆᔭᐅᔪᑦ ᐃᑲᔫᑎᓕᒻᒪᕆᐊᓗᒃ ᐊᕇᕙ-ᒧᑦ ᓄᓇᓕᖕᒥᐅᓂᒃ ᐃᓱᒪᒋᔭᖏᓐᓂᒃ ᐱᕝᕕᒋᑦᑕᕐᓂᕐᒧᑦ ᐱᔾᔪᑎᓕᖕᓂᒃ ᓄᓇᓕᖕᒥᑦ ᐱᓕᕆᐊᒃᓴᓄᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐊᑉᖁᑎᓄᑦ ᖃᓄᐃᓕᐅᕈᑎᓄᑦ ᐊᒻᒪᓗ ᐊᕙᑎᒧᑦ ᑭᒡᓕᐅᔪᓂᒃ ᖃᐅᔨᓴᐃᓂᕐᒧᑦ.
ᐃᓚᒋᔭᐅᔪᑦ ᓄᓇᓕᖕᒥ ᐅᖃᖃᑎᒌᖕᓂᕐᒧᑦ ᑲᑎᒪᔨᕋᓛᕆᔭᐅᔪᓂᑦ ᑎᒃᑯᐊᖅᑕᐅᖃᑦᑕᖅᑐᑦ ᑲᑐᔾᔨᖃᑎᒌᓄᑦ ᑭᒡᒐᖅᑐᖅᑕᒥᖕᓄᑦ. ᑲᑐᔾᔨᖃᑎᒌᓄᑦ ᐃᓚᐅᔪᑦ ᓄᓇᓕᖕᒥ ᐅᖃᖃᑎᒌᖕᓂᕐᒧᑦ ᑲᑎᒪᔨᕋᓛᕆᔭᐅᔪᓂᑦ ᐅᑯᐊᖑᕗᑦ ᕼᐋᒻᓚᒃᑯᑦ ᑲᑎᒪᔨᖏᓐᓄᑦ, ᓂᕐᔪᓯᕆᔨᒃᑯᓐᓄᑦ, ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᐋᐳᑏᓐ ᑕᓯᕐᒥᑦ ᐃᓄᖏᓐᓄᑦ, ᐱᔅᓂᓯᓖᑦ, ᒪᒃᑯᒃᑐᓄᑦ ᑲᑐᔾᔨᖃᑎᒌᑦ, ᐃᓄᑐᖃᓄᑦ ᑲᑐᔾᔨᖃᑎᒌᑦ, ᐋᓐᓂᐊᖃᖅᑕᐃᓕᒪᓂᕐᒧᑦ ᑲᑎᒪᔩᑦ ᐊᒻᒪᓗ ᐃᖃᖅᑐᐃᔪᓕᕆᔨᐊᓛᑦ. ᐃᒃᓯᕙᐅᑕᖅ ᓂᕈᐊᖅᑕᐅᖃᑦᑕᖅᑐᖅ ᑲᑐᔾᔨᖃᑎᒌᓄᑦ. ᑕᓪᓕᒪᓂᑦ ᖁᓕᓄᑦ ᑲᑎᒪᓂᖃᖃᑦᑕᖅᑐᑦ ᐅᑭᐅᑉ ᐃᓗᐊᓂᑦ ᐃᓄᒃᑎᑑᓕᕆᔨᖃᖅᖢᑎᒃ. ᑲᑎᒪᓃᑦ ᐅᑉᓗᖏᑦ ᐊᒻᒪᓗ ᖃᖓᒃᑰᓂᐊᕐᓂᖏᑦ ᐅᖃᐅᓯᐅᖃᑦᑕᖅᑐᑦ ᓈᓚᐅᑎᐊᓛᒃᑯᑦ, ᐊᒻᒪᓗ ᐅᒃᑯᐃᖓᖃᑦᑕᖅᖢᑎᒃ ᐃᓄᓗᒃᑖᓄᑦ. ᑲᑎᒪᔪᓃᖃᑕᐅᓂᖅ ᐊᔪᕈᕕᑦ, ᑲᑎᒪᔾᔪᑏᑦ ᒪᓂᒪᖃᑦᑕᖅᑐᑦ ᐊᕇᕙ-ᑯᓐᓂᑦ ᖃᒪᓂᑦᑐᐊᕐᒥᑦ ᑎᑎᕋᕐᕕᖓᓐᓂᑦ ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᑕᑯᔭᐅᒋᐊᖅᑕᕐᕕᖓᓐᓂᑦ ᐅᕙᓂ.

ᐃᓚᐅᖃᑕᐅᔪᓐᓇᖃᑦᑕᕐᒥᔪᑎᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐱᕙᓪᓕᐊᓂᕆᔭᖏᓐᓂᒃ. ᓄᓇᓕᖕᒥ ᐅᖃᖃᑎᒌᖕᓂᕐᒧᑦ ᑲᑎᒪᔨᕋᓛᕆᔭᐅᔪᖅ ᐱᓕᕆᐊᖃᖅᑐᑦ ᐃᓄᓗᒃᑖᓄᑦ ᒐᕙᒪᒃᑯᑎᒍᑦ ᓴᖅᑭᑕᐅᓚᐅᖅᑐᖅ ᓄᓇᕗᑦ ᓄᓇᑖᕐᓂᕐᒧᑦ ᐊᖏᖃᑎᒌᖏᑦᑎᒍᑦ.

 

ᐊᕙᑎ

 

ᐊ     ᐱᖅᑯᑎ;    ᖃᓄᐃᖓᓂᐊᖅᐸ ᓄᓇᓗ ᐃᒪᕐᓗ ᐊᒃᑐᖅᑕᐅᒃᐸᑕ ᐱᐅᖏᑦᑐᒧᑦ ᑭᒡᒐᕕᒃ ᐱᓕᕆᐊᒥᙶᖅᑐᓂᒃ?

ᑭ     ᐅᔾᔪᑎ;    ᐊᐅᓚᓂᕆᔭᓗᒃᑖᑉᑎᖕᓂᑦ, ᐋᓐᓂᐊᖃᖅᑕᐃᓕᒪᓃᑦ ᐊᒻᒪᓗ ᐊᕙᑎᒧᑦ ᐊᑐᖅᑐᑦ ᒥᐊᓂᕆᔭᐅᑦᑎᒋᐊᖃᑦᑕᖅᑕᕗᑦ ᑕᐃᒪᓐᓇᐃᑎᓐᓇᓱᒃᖢᒍᓗ. ᑐᑭᓯᐅᒪᔾᔪᑏᑦ ᐱᔾᔪᑎᖃᖅᑐᑦ ᒥᐊᓂᖅᓯᔪᒪᓂᕐᒧᑦ ᐊᕙᑎᒥᒃ, ᖃᐅᔨᓴᐃᓂᕐᒧᑦ ᐊᒻᒪᓗ ᐱᕚᓪᓕᖅᑎᑦᑎᒋᐊᖃᑦᑕᕐᓂᕐᒧᑦ ᓇᓂᔭᐅᔪᓐᓇᖅᑐᖅ ᐆᒃᑑᑎ ᐊᕙᑎᐅᑉ ᐊᒃᑐᖅᑕᐅᓯᒪᓂᖓᓄᑦ ᐅᓂᒃᑳᖅ (DEIS) ᑕᐃᒎᓯᖓᑕ 2 ᐃᓚᒋᔭᐅᔪᖅ 17-ᒥᑦ. ᖃᐅᔨᓴᐃᓂᖅ ᐊᒃᑐᖅᓯᓂᐅᑐᐃᓐᓇᕆᐊᖃᖅᑐᓂᒃ ᐱᓕᕆᐊᒥᑦ ᐊᕙᑎᒧᑦ ᓴᖅᑭᑕᐅᓯᒪᔪᑦ ᑕᐃᒎᓯᖓᑕ ᑕᐃᒎᓯᖓᓂᑦ 4-ᒥᑦ 10-ᒧᑦ.

ᑭᒡᒐᕕᒃ ᐱᓕᕆᐊᖅ ᐱᐅᔪᓐᓃᖅᑎᑦᑎᔾᔮᙱᑦᑐᖅ ᐃᒪᕐᓂᒃ ᑰᒃᑐᓄᑦ ᓇᓂᑐᐃᓐᓇᖅ ᓄᓇᓕᖕᓂᑦ. ᐊᓂᖅᓵᖅᑐᖅᑕᕗᑦ, ᑕᓯᐅᑉ ᓇᑎᐊᓄᐊᖅᑐᑦ ᐊᒻᒪᓗ ᐱᕈᖅᑐᑦ ᓂᕐᔪᑎᓄᓪᓗ ᐆᒃᑐᕋᐅᑏᑦ ᐊᕐᕕᓂᓕᖕᓂᑦ ᓄᓇᓕᖕᒥᐅᓂᑦ ᑰᒃᑐᓃᑦᑐᑦ ᓴᔅᑳᑦᓱᐊᓐ ᓄᖑᓱᐃᑦᑐᒧᑦ ᐅᔭᕋᒃᑕᕆᐊᒥᑦ ᖃᐅᔨᓴᐃᓂᖅᑕᖃᓚᐅᖅᑐᖅ ᐅᐊᖕᓇᖅᐸᓯᒃᑐᓄᑦ ᓄᓇᓕᖕᒥᐅᓄᑦ (ᐋᑕᐹᔅᑲᒥᑦ ᐱᓕᕆᓂᕐᒧᑦ ᑲᑐᔾᔨᖃᑎᒌᑦ ᐊᕙᑎᒧᑦ ᖃᐅᔨᓴᐃᓂᕐᒧᑦ ᑐᕌᖓᔪᖅ)-ᒥᑦ ᐊᕐᕌᒍᑕᒫᑦ ᖁᓕᓄᑦ ᐅᑭᐅᓄᑦ. ᐱᐅᖏᑦᑐᓄᑦ ᐊᒃᑐᖅᓯᓂᐅᔪᓂᒃ ᓄᖑᓱᐃᑦᑐᓂᑦ ᐅᔭᕋᒃᑕᕆᐊᓂᑦ ᓇᓂᓯᔪᖃᓚᐅᖅᓯᒪᙱᑦᑐᖅ ᐅᕝᕙᓘᓐᓃᑦ ᓇᓕᑐᐃᓐᓇᖏᓐᓂᒃ ᑖᑉᑯᓇᓂ ᓄᓇᓕᐅᔪᓂᑦ.

 

ᐊ     ᐱᖅᑯᑎ;    ᖃᓄᖅ ᐱᓂᕐᓗᐊᕿᑎᑦᑎᓂᖅᑕᖃᖅᑕᐃᓕᖅᑲᑦᑕᖅᐱᓯ?

ᑭ     ᐅᔾᔪᑎ;    ᐱᓕᕆᖃᑦᑕᖅᑐᒍᑦ ᐊᕙᑎᒧᑦ ᐱᐅᖏᑦᑐᓂᒃ ᐱᑎᑦᑎᑦᑕᐃᓕᒪᓂᕐᒧᑦ ᐱᓂᕐᓗᐊᕿᓂᒃᑯᑦ ᐊᑐᓗᖅᖢᒋᑦ ᒪᕐᕉᒃ.

1) ᐱᓂᕐᓗᐊᕿᓃᑦ ᐊᒥᓱᐃᖅᑕᓗᐊᖅᑎᑦᑕᐃᓕᑉᓗᒋᑦ ᓴᓇᑉᓗᑕ ᐱᓂᕐᓗᐊᕿᓂᖅᑕᖃᖅᑕᐃᓕᓂᕐᒧᑦ ᐱᒋᐊᓵᕐᓂᑉᑎᓐᓂᑦ ᒪᕐᕈᐃᖅᑕᖅᓯᒪᔪᒧᑦ, ᖃᐅᔨᓴᐃᓂᖃᐃᓐᓇᐅᔭᖅᖢᑕ ᐊᒻᒪᓗ ᐊᐅᓚᑦᑎᓂᕐᒧᑦ ᑐᕌᖓᔪᓂᒃ.

2) ᐊᕙᑎᒧᑦ ᐱᐅᖏᑦᑐᓂᒃ ᐱᑎᑦᑎᓂᕐᒥᒃ ᒥᑭᓛᖑᑎᑦᑎᓇᓱᖕᓂᕐᒧᑦ ᐱᓂᕐᓗᐊᕿᓂᖅᑕᖃᕋᔭᖅᐸᑦ ᓈᒻᒪᒃᓯᓯᒪᔪᓂᒃ ᐱᖁᑎᓂᒃ ᐱᖃᕐᓗᑕ, ᐃᓄᖕᓂᒃ ᐊᒻᒪᓗ ᐃᓕᓐᓂᐊᖅᑎᓪᓗᒋᑦ ᑐᐊᕕᕐᓇᖅᑐᖃᖅᐸᑦ ᐅᐸᓗᐊᓂᕐᒧᑦ ᐊᒻᒪᓗ ᐋᖅᑭᒋᐊᖅᓯᓂᕐᒧᑦ ᐱᒋᐊᕐᓂᕐᒥᒃ ᐱᔭᕆᐊᖃᕌᖓᑦ.

ᑐᑭᓯᐅᒪᔾᔪᑎᓂᒃ ᐱᒃᑲᓐᓂᕈᒪᒍᑉᓯ ᐱᓂᕐᓗᐊᕿᓂᕐᒧᑦ ᐊᒻᒪᓗ ᐱᕐᓗᐊᕿᔪᓄᓪᓗ ᐊᑐᖅᑕᐅᔪᓂᒃ ᑕᑯᓗᒍ ᐋᖅᑭᒃᓱᒐᒃᓴᐅᓇᔭᖅᑐᒥᒃ ᐊᕙᑎᒥᒃ ᐊᒃᑐᐃᓂᖃᖅᐸᓪᓕᐊᔪᒥᒃ ᐱᖃᑎᒋᔭᐅᔪᑦ 10 ᐊᒻᒪᓗ ᐃᓚᐅᔪᖅ ᑯᕕᓂᕐᒧᑦ ᐊᓯᐅᔨᓂᕐᒧᑦ ᐸᕐᓇᐅᑎ (ᐃᓚᓕᐅᑎᓯᒪᔪᖅ 10B) ᐊᒻᒪᓗ ᐅᓗᕆᐊᓇᖅᑐᓕᕆᓂᕐᒧᑦ ᐊᐅᓚᑦᑎᓂᖅ ᐊᒻᒪᓗ ᑐᐊᕕᕐᓇᖅᑐᓄᑦ ᐅᐸᓗᐊᓂᕐᒧᑦ ᐸᕐᓇᐅᑎ (ᐃᓚᓕᐅᑎᓯᒪᔪᖅ 10C), ᖃᕆᑕᐅᔭᒃᑯᑦ ᐅᕙᓂ ᓴᓗᒻᒪᖅᓴᐃᔪᓐᓇᖅᑎᑦᑎᔪᖅ ᐅᕙᑉᑎᖕᓂᑦ ᐱᓂᕐᓗᐊᕿᓂᐅᔪᓂᒃ ᐱᐊᓚᔪᒥᒃ.

 

ᐊ     ᐱᖅᑯᑎ;    ᖃᓄᖅ ᐱᓕᕆᐊᖑᖃᑦᑕᖅᐸᑦ ᐊᒃᑕᑯᐃᑦ ᒫᓐᓇᐅᔪᖅ ᖃᒪᓂᑦᑐᐊᒥᑦ?

ᑭ     ᐅᔾᔪᑎ;    ᐅᓗᕆᐊᓇᖅᑐᓂᒃ ᐊᒃᑕᑯᓂᒃ ᐊᒡᔭᖅᑕᐅᓂᖃᙱᑦᑐᖅ, ᐅᕝᕙᓘᓐᓃᑦ ᐃᒋᑕᐅᔪᖅᑲᙱᑦᑐᖅ ᖃᒪᓂᑦᑐᐊᕐᒥᑦ ᐃᓚᒋᔭᐅᑉᓗᓂ ᕿᓂᖅᓴᐃᓂᕐᒧᑦ ᑐᕌᖓᔪᒥᑦ. ᑭᒡᒐᕕᒃ ᐱᓕᕆᐊᖅ ᑐᒃᓯᕋᐅᓯᐊᖓ ᐊᑐᖅᖢᒍ, ᑕᒪᒃᑯᓂᙵᑦ ᐊᒡᔭᖅᑐᖅᑕᐅᔭᕆᐊᖃᖅᑐᖃᔾᔮᙱᑦᑐᖅ ᐊᐅᓚᓇᐅᑎᓪᓗᒍ.

ᐊᒃᑕᑯᓄᑦ ᐊᐅᓚᑦᑎᔩᑦ ᐸᕐᓇᐅᑎᖓᑦ ᒫᓐᓇᐅᔪᖅ ᐊᑐᖅᑕᐅᔪᖅ ᑭᒡᒐᕕᒃ ᕿᓂᖅᓴᐃᓂᕐᒧᑦ ᓄᓇᓕᐊᓛᒥᑦ ᕿᒥᕐᕈᔭᐅᓚᐅᖅᑐᖅ ᐊᒻᒪᓗ ᓈᒻᒪᒋᔭᐅᑉᓗᓂ ᑲᓇᑕᒥᑦ ᐊᒻᒪᓗ ᓄᓇᕗᒻᒥᑦ ᒪᓕᒃᑕᐅᔪᒃᓴᓂᒃ ᑲᒪᔨᐅᔪᓄᑦ. ᐃᓚᖏᑦ ᖃᓂᑦᑐᒥᑦ ᐊᒃᑕᑯᐃᑦ (ᐊᖏᕐᕋᒥᑦ ᐊᒻᒪᓗ ᓴᓇᔭᐅᕙᓪᓕᐊᔪᓄᑦ ᐊᒃᑕᑯᐃᑦ) ᐃᑯᐊᓪᓚᒃᑎᑕᐅᖃᑦᑕᖅᑐᓪᓘᓐᓃᑦ ᕿᓂᖅᓴᐃᓂᕐᒧᑦ ᓄᓇᓕᐊᓛᒥᑦ ᐅᕝᕙᓘᓐᓃᑦ ᖃᒪᓂᑦᑐᐊᑉ ᐊᒃᑕᑰᓯᕝᕕᖓᓄᐊᖅᑕᐅᖃᑦᑕᖅᑐᑦ ᖁᓕᒥᒎᖃᖅᑐᒃᑯᑦ. ᐅᓗᕆᐊᓇᖅᑐᐊᓗᐃᑦ ᐊᒃᑕᑯᐃᑦ (ᐅᖅᓯᖅᑎᕈᑏᑦ) ᑐᖅᑯᖅᑕᐅᓯᒪᓲᑦ ᐃᓂᒋᔭᐅᔪᒥᑦ ᐊᐅᓪᓚᖅᑎᑕᐅᔪᓐᓇᖅᓯᔭᕌᖓᑕ ᓈᒻᒪᒋᔭᐅᔪᒧᑦ ᐊᑐᓕᒃᑲᓐᓂᕈᓐᓇᖅᑐᓕᐊᒧᑦ. ᐱᐅᙱᑦᑐᑦ ᐊᒃᑕᑯᐃᑦ ᐊᒻᒪᓗ ᐅᓗᕆᐊᓇᖅᑐᖃᖅᑐᑦ (ᕇᑎᐆᐋᒃᑎᕝ) ᐊᒃᑕᑯᐃᑦ (ᕿᓂᖅᓴᐃᓂᕐᒧᑦ ᐃᑰᑕᕐᓂᙶᖅᑐᑦ) ᑐᖅᑯᖅᑕᐅᑦᑎᐊᖅᓯᒪᕝᕕᖕᒦᖃᑦᑕᖅᑐᑦ ᐱᓇᐃᖅᓯᒪᔪᒥᑦ ᑭᒡᒐᕕᖕᒥᑦ ᐱᓕᕆᐊᖑᓂᐊᓕᕌᖓᑕ ᑭᓯᐊᓂ ᑭᒡᒐᕕᐅᑉ ᑐᒃᓯᕋᖅᓯᒪᔭᖓᑦ ᓯᖃᓪᓕᖅᑎᕈᑎ ᐅᕝᕙᓘᓐᓃᑦ ᐊᒡᔭᖅᑕᐅᓂᐊᓕᖅᐸᑕ ᓚᐃᓴᖃᖅᑐᓄᑦ ᓄᖑᓱᐃᑦᑐᒧᑦ ᓯᖃᓪᓕᖅᑎᕈᑎᓕᖕᒧᑦ ᓲᕐᓗ ᒪᒃᓖᓐ ᑕᓯᖅ ᓯᖃᓪᓕᖅᑎᕈᑎ ᓴᔅᑳᑦᓱᐊᓐ-ᒥᑦ.

 

ᐊ     ᐱᖅᑯᑎ;    ᖃᓄᖅ ᐊᒃᑕᑯᐃᑦ ᐱᓕᕆᐊᖑᖃᖅᑕᕐᓂᐊᖅᐸᑦ ᑭᒡᒐᕕᒃ ᐱᓕᕆᐊᖅ ᐊᐅᓚᓕᖅᐸᑦ?

ᑭ     ᐅᔾᔪᑎ;    ᐋᖅᑭᒃᓱᒐᒃᓴᐅᓇᔭᖅᑐᒥᒃ ᐊᕙᑎᒥᒃ ᐊᒃᑐᐃᓂᖃᖅᐸᓪᓕᐊᔪᒥᒃ (DEIS) ᐱᖃᑎᒋᔭᐅᔪᑦ 2ᒥᑦ ᐃᓚᒋᔭᐅᔪᖅ 2s-ᒥᑦ, ᑕᑯᓗᒍ ᖃᕆᑕᐅᔭᒃᑯᑦ ᐅᕙᓂ  ᒫᓐᓇᐅᔪᖅ ᐃᓱᒪᒃᓴᖅᓯᐅᕈᑎᖃᖅᑐᒍᑦ ᐅᑯᓂᙵᑦ ᐃᓱᒪᒋᔭᐅᔪᓂᒃ ᐱᓕᕆᐊᖃᕐᓂᕐᒧᑦ ᐊᒃᑕᑯᓂᒃ. ᖃᓂᑦᑐᒥᑦ ᐊᒃᑕᑯᐃᑦ ᐃᑯᐊᓪᓚᒃᑎᑕᐅᖃᑦᑕᕋᔭᖅᑐᑦ ᐅᔭᕋᒃᑕᕆᐊᑉ ᐃᓂᒋᔭᖓᓂᑦ. ᐊᒃᑐᑯᓄᑦ ᐃᓂᒋᔭᐅᓂᐊᖅᑐᒥᒃ ᓴᓇᓇᔭᖅᑐᒍᑦ ᐅᔭᖅᑲᓄᑦ ᖃᓕᕇᓕᖅᑎᓯᒪᔪᑦ ᐃᓚᖓᓐᓂᑦ ᖃᓂᑦᑐᒥᑦ ᐊᒃᑕᑯᐃᑦ ᐃᑯᐊᓪᓚᒃᑎᑕᐅᓂᖅ ᐊᔪᖅᑐᓄᑦ (ᐊᔾᔨᐸᓗᖓ ᓄᓇᓕᖕᓂᒃ ᐊᒃᑐᑰᕐᕕᐅᖃᑦᑕᖅᑐᑦ). ᖃᓂᑦᑐᒥᙶᖅᑐᑦ ᐊᒃᑕᑯᐃᑦ ᐴᖅᑕᐅᓇᔭᖅᑐᑦ ᐅᔭᖅᑲᐃᑦ ᖃᓕᕇᓕᖅᑎᓯᒪᔪᓄᑦ ᐲᔭᐃᓂᖅᑕᖃᖅᑎᓪᓗᒍ ᐃᓂᒋᔭᐅᔪᒥᑦ ᐊᓯᔾᔨᖅᑯᙱᒧᑦ. ᐅᓗᕆᐊᓇᖅᑐᑦ ᐊᒃᑕᑯᐃᑦ, ᓲᕐᓗ ᐅᖅᓯᖅᑎᕈᑏᑦ ᐊᒻᒪᓗ ᐅᖅᓱᕐᓂᙶᖅᑐᑦ, ᐊᒡᔭᖅᑐᖅᑕᐅᖃᑦᑕᕋᔭᖅᑐᑦ ᓈᒻᒪᒋᔭᐅᔪᓄᑦ ᐊᒃᑕᑰᕐᕕᖕᓄᑦ ᐊᒻᒪᓗ ᐊᑐᓕᒃᑲᓐᓂᖅᑎᑦᑎᕝᕕᖕᓄᑦ. ᐅᓗᕆᐊᓇᖅᑐᖅ (ᕇᑎᐆᐋᒃᑎᕝ) ᐊᒻᒪᓗ ᐊᒃᑐᖅᑕᐅᓯᒪᔪᑦ ᐱᐅᙱᑦᑐᒧᑦ ᐊᒃᑕᑯᐃᑦ ᐊᐅᓚᑦᑎᓇᔭᖅᑐᑦ ᐊᒻᒪᓗ ᑐᖅᑯᖅᑕᐅᓯᒪᑦᑎᐊᕐᓗᑎᒃ ᑭᒡᒐᕕᐅᑉ ᐃᓂᒋᔭᖓᓂᑦ ᐊᑯᓂᒨᓇᔭᖅᑐᖅ ᐊᐅᓚᔾᔭᔾᔮᙱᓪᓗᓂ. ᑕᒪᒃᑯᐊ ᐊᑐᖅᑕᐅᖃᑦᑕᖅᑐᑦ ᐃᓕᔭᐅᓇᔭᖅᑐᑦ ᑐᒃᓯᕋᖅᑕᐅᓯᒪᔪᖅ ᕿᒪᐃᑦᑕᕐᕕᒃ ᐊᐅᓚᑦᑎᓂᕐᒧᑦ ᐊᑐᖅᑕᐅᔪᒃᓴᒧᑦ, ᖃᓪᓕᖅᑕᐅᓯᒪᓗᓂ ᐅᔭᖅᑲᓂᒃ ᐊᒻᒪᓗ ᐊᓯᖏᓐᓂᒃ, ᐊᒻᒪᓗ ᑭᖑᓪᓕᖅᐹᒃᑯᑦ, ᐱᕈᕐᕕᐅᔪᓐᓇᖅᓯᑎᒃᑲᓐᓂᕐᓗᒍ. ᑕᒃᐱᒃᑯᐊ ᐅᖃᐅᓯᐅᔪᑦ ᐊᒡᔭᖅᑐᖅᑕᐅᔪᖃᖅᑲᑦᑕᔾᔮᙱᑦᑐᑦ ᖃᒪᓂᑦᑐᐊᒃᑰᕐᓗᑎᒃ. ᐃᓚᐅᑎᑦᑎᔪᒍᑦ ᓇᓗᓇᐃᔭᑦᑎᐊᖅᓯᒪᔪᓂᒃ ᑐᑭᓯᐅᒪᔾᔪᑎᓂᒃ ᐊᐅᓚᑦᑎᓂᕐᒧᑦ ᐅᓗᕆᐊᓇᖅᑐᓂᒃ (ᕇᑎᐆᐋᒃᑎᕝ) ᐊᒻᒪᓗ ᐊᒃᑐᖅᑕᐅᓯᒪᔪᑦ ᐱᐅᖏᑦᑐᒧᑦ ᐊᒃᑕᑯᐃᑦ ᐋᖅᑭᒃᓱᒐᒃᓴᐅᓇᔭᖅᑐᒥᒃ ᐊᕙᑎᒥᒃ ᐊᒃᑐᐃᓂᖃᖅᐸᓪᓕᐊᔪᒥᒃ ᑕᐃᒎᓯᖓᑕ 2-ᒥᑦ ᐃᓚᒋᔭᐅᔪᖅ 2U-ᒥᑦ.

 

ᓄᖑᓱᐃᑦᑐᖅ

 

ᐊ     ᐱᖅᑯᑎ;    ᓱᓇᒧᑦ ᐊᑐᖅᑕᐅᖃᑦᑕᖅᐸ ᓄᖑᓱᐃᑦᑐᖅ?

ᑭ     ᐅᔾᔪᑎ;    85%-ᓪᓗᐊᑦ ᓄᖑᓱᐃᑦᑐᖅ ᓴᖅᑭᑕᐅᔪᑦ ᑲᓇᑕᒥᑦ ᐊᐅᓪᓚᖅᑎᑕᐅᖃᑦᑕᖅᑐᑦ ᐊᓯᖏᓐᓄᑦ ᓄᓇᓕᒋᔭᐅᔪᓄᑦ ᓄᓇᕐᔪᕐᐊᒥᑦ ᐊᑐᖅᑕᐅᓂᐊᕐᓗᓂ ᓅᒃᓕᐅᓄᑦ ᐊᑐᖅᑕᐅᖃᑦᑕᖅᑐᓄᑦ. ᐊᒥᐊᒃᑯᐃᑦ ᐊᑐᖅᑕᐅᖃᑦᑕᖅᑐᑦ ᐆᒻᒪᖅᑯᑎᓕᐅᕐᓂᕐᒧᑦ ᑲᓇᑕᒥᑦ ᐊᒻᒪᓗ ᐃᖢᐊᖅᓴᐃᔨᑦ ᐊᑐᖃᑦᑕᖅᑕᖏᓐᓄᑦ.

 

ᐊ     ᐱᖅᑯᑎ;    ᖃᓄᖅ ᐊᖏᑎᒋᔪᒥᒃ ᓄᖑᓱᐃᑦᑐᒥᒃ ᑭᒡᒐᕕᒃ ᐱᓕᕆᐊᖅ ᐱᖃᖅᐸᑦ? ᖃᓄᖅ ᐊᑯᓂᐅᑎᒋᔪᖅ ᐅᔭᕋᒃᑕᕆᐊᖅ ᐅᒃᑯᐃᖓᓂᐊᖅᐸ?

ᑭ     ᐅᔾᔪᑎ;    ᒫᓐᓇᐅᔪᖅ ᓇᓚᐅᑦᑖᖅᑕᐅᓯᒪᔪᑦ ᓇᓗᓇᐃᖅᓯᔪᖅ 44,000 ᑕᓐ-ᓪᓗᐊᓂᒃ ᓄᖑᓱᐃᑦᑐᖅ ᐱᔭᐅᓯᒪᔪᓂᒃ ᑐᖅᑰᒪᔪᑦ ᑭᒡᒐᕕᖕᒥᑦ. ᑕᐅᑐᒐᖃᖅᑐᒍᑦ ᓯᕗᓂᕐᒥᑦ ᐅᔭᕋᒃᑕᕆᐊᓕᕆᓃᑦ ᐱᒋᐊᕋᔭᖅᑐᖅ ᒪᕐᕉᖕᓂᑦ ᐱᖓᓱᓄᑦ ᐅᑭᐅᑦ ᖃᐃᔪᓂᑦ ᓯᖃᓪᓕᖅᑎᕆᓂᐊᓵᖅᑎᓪᓗᒋᑦ. ᓂᕆᐅᒋᔭᐅᔪᑦ ᐊᑐᖅᖢᒋᑦ ᐅᑭᐅᑕᒫᑦ ᐱᔭᐅᖃᑦᑕᕐᓂᐊᖅᑐᑦ 2,000-ᒥᑦ 4,000-ᒧᑦ ᑕᓐ-ᓂᒃ ᓄᖑᓱᐃᑦᑐᒥᒃ ᑲᑎᖅᓱᒐᓂᒃ (ᔭᓗᑮᒃ), ᐅᔭᕋᒃᑕᕆᐊᓕᕆᓂᖅ ᐊᐅᓚᓇᔭᖅᑐᖅ 13-ᓂᒃ 25-ᓄᑦ ᐅᑭᐅᓄᑦ, ᓯᖃᓪᓕᖅᑎᕆᓂᖅ ᐊᐅᓚᑎᓪᓗᒍ 11-ᓂᒃ 22-ᓄᑦ ᐅᑭᐅᓄᑦ.

 

ᐊ     ᐱᖅᑯᑎ;    ᖃᓄᖅ ᐊᕇᕙ-ᑯᑦ ᐊᐅᓪᓚᖅᑎᑦᑎᖃᑦᑕᕐᓂᐊᖅᐸᑦ ᓄᖑᓱᐃᑦᑐᒥᒃ ᑲᑎᖅᓱᖅᓯᒪᔪᓂᒃ (ᔭᓗᑮᒃ) ᐅᔭᕋᒃᑕᕆᐊᒥᑦ?

ᑭ     ᐅᔾᔪᑎ;    ᐊᕇᕙ-ᑯᑦ ᑐᒃᓯᕋᖅᓯᒪᔪᖅ ᐊᐅᓪᓚᖅᑎᑦᑎᖃᑦᑕᕐᓂᕐᒧᑦ ᓄᖑᓱᐃᑦᑐᒥᒃ ᑲᑎᖅᓱᖅᓯᒪᔪᓂᒃ (ᔭᓗᑮᒃ) ᑭᒡᒐᕕᒃ ᐅᔭᕋᒃᑕᕆᐊᒥᑦ ᖃᑉᓗᓈᑦ ᓄᓇᖓᓐᓂ ᐃᖏᕐᕋᔭᒃᑎᓄᑦ ᑎᖕᒥᓲᒃᑯᑦ ᐊᑐᕐᓗᑎᒃ ᒥᕝᕕᖕᒥᑦ ᓴᓇᔭᐅᓂᐊᖅᑐᖅᒥᒃ ᐅᔭᕋᒃᑕᕆᐊᑉ ᐃᓂᒋᔭᖓᓂᑦ. ᐃᓚᒋᔭᐅᑉᓗᓂ ᐊᕙᑎᒧᑦ ᖃᐅᔨᓴᐃᓂᕐᒥᑦ ᐱᕙᓪᓕᐊᓂᕐᒧᑦ, ᖃᐅᔨᓴᐃᔪᒍᑦ ᐊᒃᑐᖅᓯᓂᐅᔪᓐᓇᖅᑐᓂᒃ ᐱᓇᔭᙱᑦᑐᒃᓴᐅᔪᒥᒃ ᐊᒡᔭᖅᓯᑎᓪᓗᒋᑦ ᐱᓂᕐᓗᐊᕿᓇᔭᖅᐸᑕ.

 

ᐊ     ᐱᖅᑯᑎ;    ᖃᓄᖅ ᐊᕇᕙ-ᑯᑦ ᓄᓇᒋᔭᑉᑕ ᐃᓂᒋᓚᐅᖅᑕᖓᓄᑦ ᐅᑎᖅᑎᓐᓂᐊᖅᐸᑦ ᐅᔭᕋᒃᑕᕆᐊᖅ ᐱᐊᓂᒃᐸᑦ, ᐊᒻᒪᓗ ᓂᕐᔪᑏᑦ ᐃᖃᓗᐃᓪᓗ ᓂᕆᖃᑦᑕᖅᑕᕗᑦ ᖃᓄᐃᙱᑦᑎᐊᕐᓂᐊᖅᐹᑦ?

ᑭ     ᐅᔾᔪᑎ;    ᐅᔭᕋᒃᑕᕆᐊᖅ ᓯᖅᑲᓪᓕᖅᑎᕆᓂᕐᓗ ᐱᐊᓂᒃᐸᑕ, ᐅᔭᕋᒃᑕᕆᐊᑉ ᐃᓂᖓ ᓴᓗᒻᒪᖅᓴᖅᑕᐅᓂᐊᖅᑐᖅ ᐊᒻᒪᓗ ᓄᓇ ᐅᑎᖅᑎᑕᐅᓗᓂ ᐊᐅᓚᔾᔭᔾᔮᖏᓪᓗᓂ, ᐃᖕᒥᓂᒃ ᐱᕙᓪᓕᐊᓗᓂ ᐃᓕᖅᑯᓯᕆᔭᐅᔪᓄᑦ ᐊᑐᖅᑕᐅᔪᓐᓇᕐᓗᓂ. ᑭᓚᕝ ᑕᓯᖅ, ᐅᒃᑯᐊᖅᓯᒪᓕᖅᑑᑎᑉᑕ ᐃᓚᖓ ᓄᖑᓱᐃᑦᑐᒧᑦ ᐅᔭᕋᒃᑕᕆᐊᓕᕆᓂᕐᒧᑦ ᐊᐅᓚᓚᐅᖅᑐᖅ ᓴᔅᑳᑦᓱᐊᓐ-ᒥᑦ, ᓴᓗᒻᒪᖅᓴᖅᑕᐅᓕᓚᐅᖅᑐᖅ. ᑭᓚᕝ ᑕᓯᖅ ᖃᓄᐃᓐᓂᖓᓄᑦ ᑎᑎᕋᐅᓯᐅᓯᒪᔪᒥᑦ ᑕᑯᒃᓴᐅᑎᑦᑎᔪᖅ ᑕᒪᓗᒃᑖᒥᒃ ᑕᒃᑯᓴᐅᔪᒥᒃ ᑭᓚᕝ ᑕᓯᕐᒧᑦ ᐅᔭᕋᒃᑕᕆᐊᖑᓚᐅᖅᑐᖅ ᐅᑎᖅᑎᑕᐅᓂᖓᓄᑦ ᐊᒻᒪᓗ ᑲᔪᓯᓯᒪᔪᒥᒃᐊᕙᑎᒧᑦ ᖃᐅᔨᓴᐃᓂᕐᒧᑦ ᖃᓄᐃᓕᐅᕐᓂᐅᔪᑦ. ᑭᓚᕝ ᑕᓯᖅ ᓇᓗᓇᐃᔭᑦᑎᐊᖅᓯᒪᔪᑦ ᓴᓗᒻᒪᖅᓴᖅᑕᐅᓂᕐᒧᑦ ᐸᕐᓇᐅᑎ ᖃᓄᐃᖓᓃᑦ ᑕᒪᐃᓐᓄᑦ ᖃᓄᐃᓕᐅᕐᓂᐅᓚᐅᖅᑐᓄᑦ ᓴᓗᒪᖅᓴᐃᓂᕐᒧᑦ ᐅᔭᕋᒃᑕᕆᐊᖑᓚᐅᖅᑐᖅ ᐊᒻᒪᓗ ᑕᑯᒃᓴᐅᑎᑦᑎᑉᓗᓂ ᓴᓗᒪᖅᓴᐃᓂᖅ ᐱᐊᓂᒃᑎᓪᓗᒍ ᐊᕙᑎᒧᑦ ᖃᐅᔨᓴᐅᓂᖅ ᐅᑎᖅᑎᓐᓂᐊᓵᖅᖢᒍ ᓴᔅᑳᑦᓱᐊᓐᒧᑦ ᐊᑐᖅᖢᒍ ᐱᓕᕆᓂᐅᔪᓄᑦ ᐊᐅᓚᑦᑎᓂᕐᒧᑦ ᑐᕌᖓᔪᖅ.

 

ᐅᖃᓕᒫᕈᓐᓇᖅᑕᐃᑦ ᓯᕗᓪᓕᖅᐹᖅ ᐸᕐᓇᐅᑎ ᓴᓗᒻᒪᖅᓴᐃᓂᕐᒧᑦ ᐊᒻᒪᓗ ᐅᑎᖅᑎᑦᑎᓂᕐᒧᑦ ᐊᒃᑐᖅᑕᐅᓯᒪᔪᑦ ᐱᐅᖏᑦᑐᒧᑦ ᐊᒃᑕᑯᐃᑦ ᐋᖅᑭᒃᓱᒐᒃᓴᐅᓇᔭᖅᑐᒥᒃ ᐊᕙᑎᒥᒃ ᑕᐃᒎᓯᖓᑕ 2-ᒥᑦ ᐃᓚᒋᔭᐅᔪᖅ 2R.

 

ᐆᑕᖅᑎᑦᑕᐃᔾᔪᑦ

 

ᐊ     ᐱᖅᑯᑎ;    ᓱᓇᑦ ᐅᓗᕆᐊᓇᖅᐸᑦ ᐆᑕᖅᑎᑦᑕᐃᔾᔪᒻᒧᑦ ᑎᑭᐅᑎᓯᒪᓗᓂ ᐃᓄᐃᑦ ᐊᒻᒪᓗ ᐊᕙᑎᕗᑦ?

ᑭ     ᐅᔾᔪᑎ;    ᒫᓐᓇᐅᓕᖅᑐᖅ ᓄᖑᓱᐃᑦᑐᒧᑦ ᐅᔭᕋᒃᑕᕆᐊᑦ ᐋᖅᑭᒃᓱᖅᑕᐅᓯᒪᔪᑦ, ᓴᓇᔭᐅᓯᒪᔪᑦ ᐊᒻᒪᓗ ᐊᐅᓚᑕᐅᑉᓗᑎᒃ ᐆᑕᖅᑎᑦᑕᐃᔾᔪᒻᒧᑦ ᐊᒻᒪᓗ ᐊᕙᑎᒧᑦ ᒥᐊᓂᕆᔾᔪᑎᑕᖃᕐᓂᖅ ᐃᓱᒪᒋᔭᐅᑉᓗᓂ. ᐃᓚᖏᑦ ᐊᑐᖅᑕᐅᖃᑦᑕᖅᑐᑦ ᒫᓐᓇᐅᔪᖅ ᐃᓚᐅᔪᑦ ᓯᓚᒥᒃ ᐃᒡᓗᕐᔪᐊᑉ ᐃᓗᐊᓄᐊᖅᓯᓂᕐᒧᑦ ᐊᑐᖅᑐᓂᒃ ᕿᓚᒥ ᒥᒃᖠᑎᑦᑎᔪᖅ ᑲᑎᕐᒪᔪᓂᒃ ᐊᓂᖅᓵᖅᑐᖅᑕᑉᑎᓐᓂᑦ, ᓴᕕᕋᔭᖕᓂᒃ ᐃᓗᓕᓕᖕᓄᑦ ᐊᑐᖅᑕᐅᔪᑦ ᐊᓂᐊᔪᓂᒃ ᐊᓂᑎᑦᑎᑦᑕᐃᓕᒪᓂᕐᒧᑦ ᐊᓂᖅᓵᖅᑐᖅᑕᑉᑎᓐᓄᑦ, ᑲᔪᓯᔪᒥᒃ ᖃᐅᔨᓴᐃᓂᕐᒧᑦ ᐊᑐᖅᑐᓂᒃ ᓇᓗᓇᐃᖅᓯᕙᒌᖃᑦᑕᖅᑐᓂᒃ ᐊᓯᐊᙳᕐᓂᐅᔪᓂᒃ ᐊᓂᖅᓵᖅᑐᖅᑕᑉᑎᖕᓄᑦ ᐊᒻᒪᓗ ᕿᑯᓂᒃ ᐊᕙᓗᓯᒪᑉᓗᒍ ᒥᒃᖠᓯᒪᑎᑦᑎᓂᕐᒧᑦ ᐆᑕᖅᑎᑦᑕᐃᔾᔪᑎᒥᒃ ᐅᖃᓕᒫᖅᑕᐅᔪᑦ ᐃᓚᖓᒍᑦ ᓯᖃᓪᓕᖅᑎᕐᕆᕝᕕᐅᑉ.

ᒫᓐᓇᐅᔪᖅ ᓄᖑᓱᐃᑦᑐᒧᑦ ᐅᔭᕋᒃᑕᕆᐊᒥᑦ ᐱᓕᕆᔨᐅᔪᑦ ᐱᖃᑦᑕᖅᑐᑦ, 5%-ᒥᒃ ᒪᓕᒋᐊᖃᖅᑐᖅ ᐱᔭᐅᔪᓐᓇᕐᓂᕐᒧᑦ ᑭᒡᓕᒋᔭᐅᔪᒥᒃ ᐊᒻᒪᓗ ᑎᑭᖦᖢᒍ 1000-ᖏᖅᑕᖅᖢᒍ ᒥᑭᓂᖅᓴᐅᑉᓗᓂ ᐆᑕᖅᑎᑦᑕᐃᔾᔪᒻᒥᒃ ᐅᔭᕋᒃᑕᕆᐊᖅ ᓄᖑᓱᐃᑦᑐᒧᑦ ᐱᓕᕆᔨᐅᔪᑦ ᐱᖅᑲᑦᑕᓚᐅᕐᓂᖏᓐᓂᒃ 60 ᐅᑭᐅᑦ ᐊᓂᒍᖅᓯᒪᓕᖅᑐᓂᒃ.